TLETTAX-IL SENA TA' ĦAJJA U ĦIDMA
Ta' kull sena f'dan ix-xahar ta' Mejju - xahar iddedikat lil Madonna - l-Kumitat tas-Soċjeta' Filarmonika Santa Marija jaħseb sabiex b'diversi attivitajiet ifakkar u jiċċelebra t-twelid tas-Soċjeta' u l-Banda Tagħna lkoll. Kien proprju fix-xahar ta' Mejju ta' tlettax-il sena ilu li fih rajna titwieled fir-raħal tagħna taż-|ebbuġ għaqda mużikali bil-għan ewlieni li tifforma Banda. U bdiet ħidma kontinwa li waslet għat-twelid tal-Banda Santa Marija. Illum il-ġurnata kull Zebbuġi jista' jiftaħar li r-raħal tagħna ghandu Banda tieghu, xejn anqas minn irhula bhalu jew anke' akbar minnu. Kienu snin ta' mpenn qawwi mhux biss favur it-tagħlim tal-mużika iżda ukoll favur it-tixrid tal-kultura u edukazzjoni fil-komunita' tagħna. Barra minn dan irnexxilna nibnu Każin li jixraq ir-raħal tagħna u nisperraw li fi ftit tas-snin oħra nibdew nagħmlu użu sħiħ minnu. Dan kollu kien possibli għal tant u tant persuni li taw il-kontribut tagħhom kemm bħala membri tal-Kumitat, kemm bħala bandisti jew voluntiera, kif ukoll bħala soċi u tesserati.
PREMJU GIEĦ IZ-ZEBBUĠ"
Din il-ħidma tagħna lkoll ġiet rikonuxxuta nhar it-Tnejn 28 ta' April 2008 fejn il-Kunsill Lokali tar-raħal tagħna għoġbu jonora lis-Soċjeta' Filarmonika Santa Marija bl-unur prestiġjuz ta' "{ieh iż-|ebbuġ". Din hi ġurnata oħra storika fil-ħajja tas-Socjeta' Filarmonika Santa Marija u tingħaqad ma' kullana ta' suċċessi oħrajn li kollha għadhom stampati ċari f'moħħna u f'qalbna. Nieħdu din l-okkazzjoni biex għal darba oħra nirringrazzjaw lill-Kunsill Lokali |ebbuġ ta' dan l-unur kif ukoll tal-koperazzjoni li juri magħna f'diversi kuntatti li jkollna matul is-sena kollha. Grazzi speċjali tmur ukoll lis-Surmast Mro Joseph Grech u l-Assistent tiegħu Omar Zerafa u lill-bandisti kollha kemm dawk prezenti kif ukoll lil bosta oħrajn li fi żmien jew ieħor taw il-kontribut tagħhom. Bla dubju dawn jibqgħu ċ-ċentru li miegħu jddur is-Soċjeta'.
QUDDIESA TA' RINGRAZZJAMENT - L-Erbgħa 28 ta' Mejju 2008
Fid-dawl ta' dan kollu, bħala Kumitat attwali tas-Soċjeta' Filarmonika Santa Marija naħsbu li hu ferm xieraq li fil-jiem li ġejjin infakkru l-Birthday tal-Banda Tagħna u nirringrazzjaw lil Mulej u lil Ommu Marija, Patruna tagħna ta' dak kollu li għamlu magħna matul dawn l-ahhar tlettax-il sena. Għalhekk nhar l-Erbgħa 28 ta'Mejju 2008 f'waħda mill-Erbgħat tal-Madonna ser isir quddiesa ta' ringrazzjament. Din il-quddiesa ser tigi ċċelebrata mid-Direttur Spiritwali Kan Dun Karm Cini li flimkien, mal-Kumitat Eżekuttiv u s-Sezzjoni taż-|għażagħ u Nisa, Bandisti, allievi u parruċċani |ebbuġin ilkoll flimkien nirringrazzjaw il-Madonna nitolbuha tbierek il-ħidma tagħna u tieqaf magħna f'kull mument. Fl-istess waqt inwegħdu l-impenn tagħna favur Soċjeta' Hajja u Attiva kemm fir-raħal tagħna taż-Zebbuġ kif ukoll lil hinn minnu. Nagħmlu appell lilkom ilkoll, speċjalment bandisti u allievi sabiex tieħdu sehem f'din il-quddiesa speċjali.ta' radd il-ħajr.
ĦARGA MALTA U LAQGHA MA' L-ARCISQOF PAWLU CREMONA - Il-Gimgħa 6 ta' Gunju 2008 -
Ta' kull sena l-Kumitat flimkien mas-Sezzjoni taż-|għażagħ u tan-Nisa jimpejna ruħu biex ifakkar kif jixraq it-twelid tal-Banda tagħna. Dan nagħmlu billi norganizzaw diversi attivitajiet u bħal dejjem nitlobu l-konkorrenza u s-sapport tagħkom ilkoll sabiex l-isforzi li jsiru jissarfu f'ġid għalina u għal ta' madwarna.
Hu jppjanat li bil-għajnuna tas-Sezzjoni Nisa nhar il-Gimgħa 6 ta' Gunju 2008 nagħmlu ħarga oħra għal Malta. Din id-darba nistgħu ngħidu li hi ħarga b'differenza ghax barra l-postijiet interessanti li ser inzuru ser ikollna laqgha specjali ma' l-E.T. Mons Arcisqof Pawlu Cremona gewwa l-Kurja Arci-Veskovili l-Furjana. Il-programm shih ghadu jrid jiġi konfermat iżda hu maħsub li nżuru ukoll id-Depot tal-Pulizija u l-Mużew tagħhom kif ukoll ikollna ħin għax-xiri l-Belt jew il-J.B. Stores. Programm dettaljat jithabbar fil-Bullettin tal-ġimgħa id-dieħla. Sa dan it-tant aħsbu għal-biljetti mingħand il-helpers tas-soltu. Dawk interessati huma mitluba javviċinaw minnufih lil Frances Cefai (21553093) jew Salvina Zammit (21555116) sabiex jigi provdut it-transport meħtieġ. Il-postijiet huma limitati għal 53. Nitilqu mill-Pjazza fis-7.30 a.m. sabiex nilħqu l-vapur tat-8.15 a.m. Niġu lura mal-vapur ta' l-4.30 p.m.
COFFEE MORNING - Il-Ħamis 12 ta' Ġunju, 2008
Nhar il-Ħamis 12 ta' Mejju 2008 is-Soċjeta' Filarmonika Santa Marija ser torganizza Coffee morning kbir li fih ser ikollna ħafna spot prizes sbieħ. Il-Coffee Morning jibda fid-9.00 a.m. Nħeġġu lil kulhadd biex jahseb ghal biljett tad-dħul minn kmieni biex nevitaw problemi fuq nuqqas jew ħela ta' ikel. Fost il-premijiet ser ikollna tombli ta' e100, oġġetti tad-dar u ħafna iżjed. Il-helpers qed jagħmlu sforz kbir biex jagħżlu premijiet sbieħ u ta' valur u b'hekk nattiraw aktar nies anke' minn barra mir-raħal. Għalhekk nagħmlu appell biex tħajru oħrajn jingħaqdu magħna u waqt li ngħaddu siegħa flimkien, tkunu qed tgħinuna norganizzaw aħjar l-Banda Tagħna u nkomplu x-xogħol tal-Każin..
TIĠDID U ATTIVITAJIET TAS-SEZZJONI ZGĦAZAGĦ
Bi tħejjija għal-Laqgħa {enerali Annwali tas-Soċjeta Filarmonika Santa Marija, nhar il-{imgħa 25 ta'April 2008 sar it-tiġdid tal-Kumitat tas-Sezzjoni |għażagħ. Dan il-Kumitat ġie iffurmat minn dawn il-membri: Christian Cassar president, Dianne Calleja segretarja, Antoine Camilleri teżorier, u TerryAnne Saliba, Herbert J. Cefai, Andrew Camilleri, Redentine Cini u Melvin Calleja bħala membri. |għażagħ oħrajn li jixtiequ jingħaqdu magħhom huma mitluba jinkitbu għand is-segretarja. Fost l-għanijiet ta' din is-sezzjoni hemm li dawn iż-żgħażagħ jipparteċipaw fl-organizzazjoni tal-briju fil-festa ta' barra ta' Santa Marija speċjalment waqt il-marċijiet tal-ħruġ ta' Santa Marija min-niċċa u l-marċ ta' filgħodu kif ukoll f'attivitajiet kulturali oħra matul is-sena bħal karnival, it-teatru u programmi mmirati għaz-żgħażagħ finanzjati mill-EU. Bi pjaċir ninnotaw li dawn diġa middew idejhom għax-xoghol u fil-gimghat li gejjin ser ikunu qed jahdmu fuq zewg progetti muzikali kbar.
"Youths Music Festival" - l-ewwel proġett hu Festival ta' kant u mużika jmmirat ghall-partecipanti minn madwar Għawdex kollu. Dan il-festival ser isir nhar is-Sibt 14 taċ Gunju 2008 fis-7.00 taċ fil-ghaxija fis-Sala taċ l-Iskola Mons. Andrea Vella. Dawk li jixtiequ jieħdu sehem huma mitluba jkellmu jew jibgħatu email lil dan il-kumitat fuq bsm.youths@gmail.com. Aktar dettalji fuq dan il-festival li qed jiġi organizzat għall-ewwel darba fir-raħal tagħna ssibuhom fil-jiem li ġejjin fil-bullettin u l-website tas-Soċjeta'.
"Adventure in Music" - hu proġett ieħor ambizzjuz li għandu żewġ għanijiet. L-ewwel għan hu li ssir CD bl-innijiet u siltiet mużikali oħra tal-kompatrijott tagħna is-Surmast Antonio Mallia u t-tieni li jsiru sensiela ta' talks fuq id-diversi tipi ta' mużika mmirati għal kull min jixtieq jagħraf u iħobb aktar is-sbuħija tal-mużika. Dan hu progett li ġie magħżul mill-EUPA u jkkwalifika biex ikun wieħed mill-programmi finanzjati mill-EU magħrufin bħala "Youth Initiatives Programmes". Permezz ta' dan il-programm is-Soċjeta' bbenefikat minn għajnuna ta' e2000 - Lm 800. Bi pjaċir inħabbru ukoll li grazzi għal Kunsill Lokali |ebbuġ bħalissa għaddejjin diskussjonijiet ma' Bank lokali sabiex nakwistaw sponsors oħrajn. Il-programm hu maħsub għal matul dan is-Sajf u hu jilħaq il-qofol tiegħu fil-Kunċert Annwali tal-Festa. Ejja flimkien nagħmlu kuraġġ lil dawn iż-żgħażagħ u nattendu bi ħġarna kull meta jistaqsuna għas-sapport u s-sostenn tagħna.
ĦSIEB TA RIFLESSJONI MIĠJUB MID-DIRETTUR SPIRITWALI - KAN. DUN KARM CINI
" L-ulied ma tistax tagħmilhom tajbin billi tagħmilhom kuntenti imma tista tagħmilhom kuntenti jekk tagħmilhom tajbin " - E.J.Keifa