Uffiċċju Parrokkjali 21554882, Knisja 21559043.
LAQGĦA GĦALL-ABBATINI U TAL-VOKAZZJONIJIE
Nhar is-Sibt 27 ta’ Ġunju, fis-6.00p.m., fiċ-Ċentru ser issir laqgħa oħra għall-Abbatini ż-żgħar, li titmexxa mis-Sem. Joseph Attard. Fl-istess ħin fis-Sagrestija tal-Knisja ssir laqgħa b’tema Vokazzjonali għal dawk interessati minn Form 1 sa Form 4. Din il-laqgħa titmexxa mill-Arċipriet D. Reuben Micallef.
GĦELUQ TAS-SENA PAWLINA
Nhar il-Ħadd 28 ta’ Ġunju se jiġi ċċelebrat l-għeluq tas-Sena Pawlina fid-Djoċesi tagħna waqt il-Pontifikal tal-Festa ta’ S. Pietru u S. Pawl fin-Nadur immexxi mil-Legat tal-Papa l-Kardinal Ennio Antonelli, li fih se jieħdu sehem il-Kappillani u l-Arċiprieti kollha ta’ Għawdex. Imbgħad fil-Parroċċa ta’ San Pawl fil-Munxar fil-11.30a.m. l-istess Kardinal se jwassal messaġġ lill-familji kollha u jirreċita magħhom it-Talba ta’ l-Angelus. Imbgħad it-Tnejn 29 ta' Gunju, il-Kardinal Ennio Antonelli, Legat tal-Papa, se jmexxi Quddiesa Solenni quddiem il-Kon Katidral ta' San Gwann, il-Belt Valletta bħala egħluq tas-Sena Pawlina. Ghal din il-quddiesa huma mistiedna sacerdoti, religjuzi u lajci. Il-quddiesa tibda fis-7.00p.m. Tluq mal-vapur tal-4.30pm u lura mal-vapur tal-10.15p.m.
SOLENNITA’ TA’ L-APPOSTLI SAN PIETRU U SAN PAWL
Nhar it-Tnejn 29 ta’ Ġunju niċċelebraw is-Solennita’ tal-Prinċpijiet ta’ l-Appostli, S.Pietru u S. Pawl. F’dan il-jum noffru talb speċjali għall-Papa Benedettu suċċessur dirett ta’ S. Pietru bħala Isqof ta’ Ruma u Ragħaj Spiritwali tagħna lkoll u għall-Missjunarji kollha biex fuq l-eżempju ta’ S. Pawl ikomplu jwasslu l’Bxara t’Tajba lill-ġnus kollha. Il-Quddies ikun bħall ta’ nhar ta’ Ħadd. i.e.: fil-5.00a.m., fis-6.00a.m., fis-7.00a.m., fit-8.00a.m., fil-11.00a.m. Il-Quddiesa ta’ filgħaxija tkun fis-7.00p.m.
LIVE-IN GĦAŻ-ŻGĦAŻAGĦ TAL-PARROĊĊA
Nhar it-Tnejn 29 ta’ Ġunju, il-Grupp taż-Ż għażagħ tal-Parroċċa tagħna ser ikun qiegħed jagħmel esperjenza ta’ live-in f’Dar San Ġużepp f’Għajnsielem sa nhar il-Ħamis 2 ta’ Lulju. Fost l-oħrajn se tiġi organizzata ġurnata Malta. Il-Grupp ser ikun akkumpanjat mill-Arċ. D. Reuben Micallef, Fr Geoffrey Attard u mis-Sem. Joseph Attard.
ID-DISA’ ERBGĦA TA’ SANTA MARIJA
Nhar il-Erbgħa 1 ta’ Lulju, niċċelebraw id-9 Erbgħa ta’ Sta Marija. Fis-6.30p.m. Rużarju, Kurunella, u fis-7.00p.m. Konċelebrazjoni mmexxija minn Fr. Frankie Cini Mssp – Direttur ta’ Dar San Ġużepp f’Sta Venera. Wara Barka Sagramentali. Jieħu sehem il-Kor Regina Angelorum. Infakkru lit-Tfal kollha biex bħas-soltu jġibu magħhom xi fjuri ħalli joffruhom lil Santa Marija.
LAQGĦA TAL-KUNSILL PASTORALI PARROKKJALI
Nhar Il-Ħamis 2 ta’ Lulju, fis-7.30p.m. ser tinżamm laqgħa tal-Kunsill Pastorali Parrokkjali, bi tħejjija għall-Festa ta’ Santa Marija. Il-Laqgħa tinżamm fiċ-Ċentru Parrokkjali. Il-membri huma mħeġġa biex jattendu.
L-EWWEL ĠIMGĦA TAX-XAHAR
Il-Ġimgħa 3 ta’ Lulju, hija l-ewwel Ġimgħa tax-xahar. Fil-11.00a.m. issir Quddiesa u wara tinżamm l-Adorazzjoni sas-7.00p.m. Mis-2.00p.m. sat-3.00p.m. tinżamm is-Siegħa tal-Ħniena Divina. Insibu ftit ħin għal Ġesu u nħarsu dan il-Jum għażiż b’Quddiesa u Tqarbina.
IL-MUSICAL ‘GĦERUQNA’
Kif kullħadd jaf bħal issa l-Kunsill Lokali Żebbuġ għaddej bil-preparazzjonijiet tiegħu biex itella’ MUSICAL b'tema Reliġjuża GĦERUQNA li ser jsir fil-bajja ta' Marsalforn nhar il-Ħadd 16 ta'Awwissu 2009. Aħna bħala Parroċċa SANTA MARIJA li niffurmaw parti min din il-lokalita’ sejrin nagħtu s-sehem tagħna biex dan il-Musical ikun SUCCESS . Ghallek nappellaw lil kull min għandu Talent biex jersaq il-quddiem u jaghti is-sehem tiegħu biex dan l-iskop ikun jista’ jintlaħaq. Dawk interessati għandhom ikellmu lil Aċipriet biex isiru l-arranġamenti meħtieġa mal-organizzaturi din il-ġimgħa li ġejja. Grazzi bil-quddiem tal-kooperazzjoni.
NIFIRĦU LID-DJAKNU NOEL DEBONO
Nhar it-Tlieta 23 ta Ġunju, Vġili tas-Solennita’ tat-Twelid ta’ San Ġwann Battista, fil-Knisja Katidrali, fil-5.30p.m., Mons Isqof Mario Grech amministra l-Ordinazzjoni tad-Djakonat lis-Sem Noel Debono (li jgħin fil-pastorali ta’ nhar ta’ Ħadd fil-Parroċċa tagħna) u lis-Sem Maximillian Grech. Filwaqt li nwiegħdu lil dawn iż-żewġ żgħażagħ it-talb tagħna, nifirħulhom u nawgurawlhom. Nieħdu wkoll din l-okkażjoni biex nirringrazzjaw lid-Djaknu Noel Debono tas-servizz li qed joffri fil-Parroċċa tagħna.
IKOMPLI T-TAGĦLIM TAL-MUŻ IKA NHAR TA’ SIBT
Is-Soċjeta’ Filarmonika Santa Marija tixtieq tavża lil dawk l-istudenti li aktar kmieni din is-sena bdew it-teorija tal-mużika, li minħabba l-vaganzi tas-sajf, il-lezzjonijiet tagħhom ser jibdew isiru kull nhar ta’ Sibt fil-għodu mit-8.00 ’il quddiem minnflok fil-għaxija. Studenti ġodda huma mħeġġa jingħaqdu magħhom fl-istess ħinijiet. Dan it-tagħlim professjonali jkompli fl-uffiċċju tas-Soċjeta’ Filarmonika Santa Marija ma’ l-Assistent Surmast tal-Banda Santa Marija s-Sur Omar Zerafa u min ikollu xi diffikulta jista jikkuntatjah fuq in-numru: 99 8339 19.
KORS TA’ TĦEJJIJA GĦAŻ -Ż WIEĠ MILL-MOVIMENT TA’ KANA
Il-Moviment ta’ Kana ser jorganizza żewġ korsijiet ta’ Tħejjija għaż-Ż wieġ. Għall-Korsijiet wieħed ikun jista jagħżel bejn it-Tlieta u l-Ħamis. Il-korsijiet ser jibdew nhar il-Ħamis 2 ta’ Lulju. Dawk interessati għandhom jiġbru applikazzjoni miċ-Ċentru ta’ Kana.
IL-LIBSA TAL-PREĊETT
Infakkru lil dawk il-ġenituri tat-Tfal tal-Preċett, li għadhom ma rritornawx il-libsa tal-preċett ta’ wliedhom biex matul din il-ġimgħa ġentilment jirritornaw il-libsa tal-preċett nadifa, fis-sagristija tal-Knisja.
MILL-ĦAJJA TAL-KOMUNITA’
* Il-familjari f’Għawdex ta’ Frankie Saliba li miet b’inċident tat-traffiku fl-Awstralja, l-ġimgħa li għaddiet, jixtiequ jroddu ħajr lil dawk kollha li wrew sogħba magħhom għat-telfiet li għadhom kemm ġarrbu. Fl-istess ħin jitolbukom tiftakru fih fit-talb tagħkom. Agħtih o Mulej il-mistrieħ ta’ dejjem, id-dawl ta’ dejjem jiddi lilu, jtistrieħ fis-sliem. Amen.
GRAZZI MILL-QALB TAL-ĠENEROŻITA’ TAGĦKOM
- Lil l-imsieħba kollha fl-Għaqda Qlub Ġenerużi tal-Parroċċa tagħna li fix-xhur ta’ April, Mejju u Ġunju 2009, bil-għajnuna ta’ Rose Calleja ġabru bejniethom is-somma sabiħa ta’ € 200 għall-Karita’.
- Lil persuna li tat € 150 għas-Salib tal-Frontispizju.
- Lil persuna li tat € 120 għar-restawr tal-Knisja.
- Lil diversi persuni li taw € 20, € 13, € 10 u € 5 għall-bżonnijiet tal-Knisja.
- Lil diversi persuni li taw € 20 u € 6 għall-Festa.
- Lil diversi persuni li taw €13 u € 10 għal Santa Marija.
- Lil pesuna li tat €13 għaż-żejt tas-Sagrament.
- Lil persuna li tat €10 għax-xemgħa.